Chakra SPACE (素食) by EAE

是次到访0既小店，无论係装潢，餐具都深深吸引版主，加上主打素食..令到平时大吃大喝0既版主顿时有种遇上沙漠的绿州的感觉XD  版主都知近期懒左太多，因为欧洲之行回来以后，重归现实，努力工作～古语有云：休息是为行更远0既路，返工是为还更多的卡数XD所以....懒懒藉口一堆，而家终于良心发现.......係时候要出返篇文～；） 今次呢家小店係老友D小姐带我去，位置其实不难找，就在妈阁比萨意大利餐厅一路走下去就见。只要见到门口那部复古单车，走进去就是；） 小店位置不大，坐满只有约10个位置，厨房採用开放式，客人可以一边与店主倾计，一边睇住佢忙碌地替客人準备食物，感觉似係朋友屋企作客。  个人超钟意呢个靠窗位置，如果有时间真係好想叫一杯茶，静静望住外面发呆。 店中装饰摆设都係以木为主（版主劲爱那张大木枱！）  通常出去CAFE等小店，一般都係柠檬水，但主打素食的Chakra SPACE，却特别的用上陈皮及川贝浸水，饮完之后，觉得喉咙好舒服。  Jasmine Lemon Tea版主呢排睡眠质量都不是太好，所以叫店主推介花茶佢地选用既係Normann Copenhagen自家生产0既纯天然花茶，无添加任何人工物料，够哂健康。 呢款茶係用左Eral Grey tea做，店主话可以泡三次，版主泡左两次，味道都同第一次咁浓，呢款茶茶味突出之余，仲有好香Jasmine味道，加埋新鲜柠檬，饮完真係有种放鬆感觉。  小店每日只提供一款素食套餐，夜晚同中午0既SET係唔一样。除左素食套餐外，当日仲有朱古力戚风蛋糕可以点，不过版主就无试XD～餐前沙律，係用切了片的秋葵配搭住甘笋丝，再加上少少wasabi拌匀，味道出呼意料的好！甘笋丝爽口，秋葵虽然带点黏黏的，但出现係呢个沙律上面，唔会觉得好核突，唯一美中不足0既係版主觉得太细碟～XD  意式黑松露炖杂菜本来D小姐一心来这边係想试佢地0既日式芋头紫蕃薯咖哩，但去到同店主倾开计，先知道佢感冒，试唔到味，所以个几日都无咖哩提供。今日午市提供0既就係呢款炖杂菜。 所以想去试0既朋友不防先打电话，睇下当日做咩SET先过去吧.. ^^ 如果一个人来，可以坐係呢个窗边，出面0既马路唔算繁忙，有时仲会有雀仔叫声，静静地係度享服住健康0既素食午餐，真係好Relax。 炖杂菜唔会过林，仲保持口感，有蕃茄，黄红甜椒，蘑菇等，黑松露係上碟时加上，香气四溢。至于味道，是偏向淡味，但版主一向锺意食D清淡0既野，呢款带点微酸的炖蔬叶，个人大爱。而那个饭一D都唔马虎，係南瓜饭，食落带有微微南瓜甜味，好吃！！店中另一人气王，就係手工精品咖啡，可以一路睇住店主磨咖啡豆，沖泡，仲可以边问店主心得^^  唔多认识咖啡0既版主，只见店主每个过程都非常专注同讲究，沖泡之前会先了解客人想要咩口味，再认真分析，单是过程已经觉得值回票价。老友D小经姐话，咖啡超有诚意，味道不错 食后感：小店位置宁静，非常配合吃素的心境，虽然每日只有一道SET提供，但诚意不错，店主又钟意同客人交流，食完饭慢慢坐慢慢倾，真係几舒服。为左个咖哩，一定会再去。XD  餐厅资讯：名称：Chakra SPACE地址：澳门妈阁斜巷19-17号友成大厦4座地d座电话：66778669;62287332Facebook: